مجھے بچپن سے عادت تھی
ذرا سی شام ھوتے ہی
میں گھر سے بھاگ جاتا تھا
بہت آوارا پھرتا تھا
میری ماں مجھ سےکہتی تھی
کہ شام ھونے سے کُچھ پہلے
تو گھر کو لُوٹ آیا کر
بلائیں شام ھوتے ھی
اوپر سے اُترتی ھیں
چڑیلیں رقص کرتی ہیں
بہت آسیب ھوتے ھیں
میں پھر بھی شام ھوتے ھی
گھر سے بھاگ کر یارو
گلی کوچوں اور رستوں پر
بہت ویران قبروں پر
بیابانوں اور کھنڈروں میں
بس مارا مارا پھرتا تھا
مجھے اک شوق رہتا تھا
بلائیں کُچھ تو میں دیکھوں
کوئی آسیب مل جائے
کوئی سایہ نظر آئے
کوئی چڑیل مل جائے
کسی بہرُوپ اچھے میں
میں اسکا رقص تو دیکھوں
میں اسکے اُلٹے پاوٴں کا
اس سے تذکرہ چیھڑوں
تو جھٹ سے رُوپ وہ بدلے
وہ اصلی رُوپ میں آئے
تو ڈر کر بھاگ جاوں میں
اور گھر میں پہنچ کر اپنے
سارے دوست یارو کو
کئی قصے سُناوں میں
بلائیں ایسی ھوتی ھیں
چڑیلیں ایسی ھوتی ھیں
گزارا سارا بچپن یوں
متجسس بے ثمر گذرا
کوئی آسیب نہ دیکھا
نہ کوئی بھی بلا یکھی
چڑیلیں بھی نہ مل پائی
مگر جب آج مدت بعد
جب بھی شام ھوتی ھے
ھوا دھیرے سے چلتی ھے
اندھیرا میرے آنگن میں
ذرا سا چھانے لگتا ھے
مجھے ڈر لگنے لگتا ھے
بلائیں ہجر اور غم کی
بہت آسیبوں کے سائے
چڑیلیں میری یادوں کی
اور روحیں میرے پیاروں کی
اُتر کر آسمانوں سے
میرے آنگن کے گوشے میں
بھیانک رقص کرتی ھیں
بےہنگم شور کرتی ھیں
صدائیں ان کی کانوں کو
بہت تکلیف دیتی ھیں
اور پھر میں خوف کے مارے
ڈرا سہما سا رہتا ھوں
مجھے اب شاموں کا آنا
بہت آذار لگتا ھے
مجھے اب روحوں سے ملنا
بہت بےکار لگتا ھے
مجھے امی کا وہ کہنا
بہت ھی یاد آتا ھے
بلائیں شام ھوتے ہی
اُوپر سے اُترتی ھیں
چڑیلیں رقص کرتی ھیں
بہت آسیب ھوتے ھیں ۔۔۔۔
Sunday, 23 September 2018
Subscribe to:
Post Comments (Atom)
Pakistan affairs
Pakistan affairs. • Steel Mill is in Bin Qasim • Old name of Jacobabad is Khangharh. • Kot Digi Fort is in Khairpur district. • Pesh...
-
Pay Scale Revised in Budget 2019-20 Chart Grade 1 to 21 Revised Pay Scale 2018 Chart and Increase Salaries in Budget 2019-20 Upcomi... -
جدید طریقہ ہائے تدریس اُساتذہ کرام کوچاہئے کہ وہ کمرہء جماعت میں حسبِ ضرورت تدریسی تیکنیکس کواپنائیں اور موقع کی مناسبت سے بہترین حکمتِ ع...
No comments:
Post a Comment